Darma Tavan Qiymətləri

Adi tavanlardan fərqli olaraq, darma tavan həm vizual olaraq daha səliqəli görüntü yaradır, həm də bir çox praktik üstünlükləri ilə gündəmdədir. Əgər siz də yaşadığınız və ya işlədiyiniz məkanda təmir və yeniləmə işləri düşünürsünüzsə, darma tavan variantları mütləq nəzərdən keçirməli olduğunuz seçimlər arasındadır.
Darma tavanlar son illərdə həm yaşayış evlərində, həm də ofislərdə geniş yayılıb. Bunun əsas səbəblərindən biri bu tavanların həm estetik cəhətdən müasir görünməsi, həm də funksional baxımdan bir çox problemi həll etməsidir. Sadəcə tavanın altında ikinci bir səth yaradılır və bu səthə istədiyiniz dizaynı, işıq sistemini, hətta səssizləşdirici qatları da əlavə edə bilərsiniz. Əlavə olaraq, texniki avadanlıqlar bu tavanın arxasında görünməz hala gəlir.
İnsanların darma tavana maraq göstərməsinin başqa bir səbəbi də seçim imkanlarının çox olmasıdır. Metal, plastik, taxta, güzgülü və daha neçə-neçə variant var. Kimisi klassik, kimisi modern, kimisi isə lüks görünüş istəyir. Hər kəsin zövqünə uyğun model tapmaq mümkündür. Ən gözəli isə budur ki, bu tavanlar sadəcə göz oxşamaqla kifayətlənmir, həm də uzunömürlü, təmizlənməsi asan və nəmə davamlı olur.
Yazıda dartma tavanların növləri, hansı materialların daha çox istifadə edildiyi, onların üstünlükləri və istifadəsi ilə bağlı detallı məlumatlar paylaşacağıq. Eyni zamanda QiYMETLERI.AZ saytının sizə necə yardımçı ola biləcəyindən də danışacağıq.

Darma tavan növləri

Darma tavan sistemləri, həm interyer dizaynına estetik dəyər qatmaq, həm də kommunikasiya xətləri, işıqlandırma və izolyasiya sistemlərini gizlətmək üçün istifadə olunan funksional tavan örtükləridir. Müxtəlif materiallardan və formadan hazırlanmış darma tavanlar həm kommersiya obyektlərində, həm də yaşayış sahələrində geniş tətbiq olunur. Seçim zamanı həm texniki göstəricilər, həm istifadə sahəsi, həm də dekorativ ehtiyaclar nəzərə alınmalıdır. Hər bir darma tavan növünün özünəməxsus üstünlükləri və tətbiq sahələri vardır.

Metal darma tavan

Metal darma tavan sistemləri möhkəmliyi, uzunömürlülüyü və asan saxlanması ilə seçilir. Bu növ, xüsusilə ictimai və sənaye obyektlərində geniş tətbiq olunur. Metal materiallara əsasən alüminium və ya paslanmaz polad daxildir, bu da məhsulun korroziyaya qarşı dayanıqlı olmasını təmin edir.

Alüminium darma tavan

Alüminium darma tavanlar ən çox istifadə olunan modellərdən biridir. Yüngül çəkisi, paslanmayan quruluşu və estetik görünüşü ilə həm texniki, həm də dekorativ baxımdan üstünlük təşkil edir. Havalandırma və yanğına davamlılıq xüsusiyyətləri ilə mətbəxlərdə, ticarət mərkəzlərində, ofislərdə və metro stansiyalarında ideal seçim sayılır. Təmizlənməsi asandır və nəmişlikdən təsirlənmir. Geniş rəng və tekstura seçimi ilə hər növ interyer dizaynına uyğunlaşdırıla bilər.

Qızıl rəngli və xrom səthli darma tavanlar

Bu tip tavanlar parlaq səthi ilə interyerə lüks və müasir görüntü qazandırır. Xüsusilə hotellərdə, yüksək səviyyəli restoranlarda və tədbir zallarında daha çox istifadə olunur. Qızıl və xrom səthlər işıqla refleksiya yaradaraq məkanı daha geniş və işıqlı göstərir. Bu tavan növü həm funksional, həm də vizual olaraq məkanın statusunu yüksəldən bir element kimi qəbul edilir.

Plastik darma tavan

Plastik materiallardan hazırlanmış darma tavan sistemləri həm sərfəli qiymətə, həm də praktik istifadəyə görə geniş yayılmışdır. PVC əsaslı bu panellər suya və nəmişliyə qarşı yüksək davamlılıq göstərir. Bu səbəbdən hamamlar, mətbəxlər, çamaşırxanalar və digər rütubətli sahələr üçün seçimdir. Rəng və dizayn baxımından müxtəliflik təqdim edən plastik tavanlar həm klassik, həm də modern interyerlərə uyğunlaşdırıla bilər. Təmizliyi çox rahatdırş Sadəcə nəmlənmiş parça ilə silinməsi kifayət edir. Eyni zamanda, montajı da sürətli və qənaətcildir.

Taxta darma tavan

Taxta darma tavanlar təbii və isti görüntüsü ilə fərqlənir. Yaşayış sahələrində, xüsusən də qonaq otaqları və yataq otaqlarında istifadə olunduqda interyerdə rahat və zövqlü bir atmosfer yaradır. Ağacın teksturası və rəngi məkanı daha zəngin və dinamik göstərir. Klassik interyer dizaynlarını sevənlər üçün əvəzolunmaz seçimdir. Taxta tavanların əsas üstünlüklərindən biri də onların akustik təsiri azaltmasıdır. Buna görə də bu sistemlər həm estetik, həm də funksional baxımdan çox əlverişlidir. Yeganə diqqət olunmalı məqam isə düzgün izolyasiya və qoruyucu örtüklərin tətbiq edilməsidir. Çünki ağac nəmə və odlanmaya qarşı həssas ola bilər.

Güzgülü darma tavan

Güzgülü darma tavanlar interyerdə vizual genişlik və işıq effektləri yaratmaq məqsədilə istifadə olunur. Parlaq səthi işığı əks etdirdiyi üçün məkanı daha işıqlı və geniş göstərir. Bu səbəbdən, ticarət obyektlərində, butiklərdə, sərgi salonlarında və digər nümayiş sahələrində geniş şəkildə tətbiq olunur. Həm estetik, həm də fərqli dizayn effekti yaratmaq baxımından effektiv bir seçimdir. Güzgülü panellər akril və ya digər parlaq materiallardan istehsal olunur və həm tavan, həm də divar dizaynlarında istifadə edilə bilər. Quraşdırması sadə, təmizlənməsi isə rahatdır. Lakin bu növ tavanlar mexaniki təsirlərə qarşı nisbətən həssas olduğundan ehtiyatla yanaşmaq lazımdır.

Dartma tavan qiymətləri

Dartma tavan sistemləri son illərdə interyer dizaynında getdikcə daha çox populyarlıq qazanır. Estetik görünüş, gizli işıqlandırma imkanı, geniş dizayn seçimi və praktik tətbiqi ilə bu sistemlər yaşayış və kommersiya obyektlərində üstünlük verilən tavan növünə çevrilib. Lakin hər alıcı üçün önəmli olan sual budur: dartma tavanların qiymətləri necə formalaşır və nəyə əsasən dəyişir? QiYMETLERI.AZ saytı bu suallara cavab tapmaqda istifadəçilərə kömək edir.

Material növü və keyfiyyət

Dartma tavanların qiymətində ilk və ən böyük rol oynayan faktor istifadə olunan materialdır. Ən əlçatan modellər PVC əsaslı plastik dartma tavanlardır. Onlar həm ucuz, həm də praktikdir, lakin zamanla rəng solması və deformasiya riski daha yüksəkdir. Əgər daha dayanıqlı və uzunömürlü variant axtarırsınızsa, alüminium və ya taxta əsaslı darma tavan modelləri daha münasib olacaq. Bu materiallar daha yüksək qiymətə malik olsa da, həm görünüş baxımından daha zəngin olur, həm də illərlə əlavə təmirə ehtiyac olmadan istifadə edilə bilir. Keyfiyyətli materiallar həm temperatur dəyişikliyinə, həm də nəmişliyə qarşı daha dözümlü olur. Bu isə xüsusilə mətbəx və vanna otaqları üçün vacibdir. Saytda təqdim olunan məhsullarda material növü və texniki xüsusiyyətlər aydın şəkildə qeyd olunduğundan, alıcılar qərar verərkən nəyə pul xərclədiklərini dəqiq bilirlər.

Səthin ölçüsü və montaj çətinliyi

Tavanın sahəsi nə qədər böyükdürsə, qiymət də bir o qədər artır. Çünki geniş sahələr daha çox material və işçi qüvvəsi tələb edir. Məsələn, standart ölçülü otaq üçün tətbiq edilən tavan qiyməti ilə geniş salon və ya zal üçün olan sistem arasında ciddi qiymət fərqi ola bilər. Sadə düz tavanlarda montaj prosesi sürətli və az xərc tələb edir. Lakin kompleks formalar, sferik, çoxbucaqlı və ya müxtəlif mərtəbəli tavanlarda montaj daha çox vaxt və ustalıq tələb etdiyindən qiymət artır. İşıqlandırma sistemlərinin inteqrasiyası, elektrik kabellərinin gizlədilməsi və aksesuarların yerləşdirilməsi də əlavə xərc yarada bilər. Bu səbəbdən də qiymət sorğusu aparılarkən yalnız kvadrat metrə deyil, layihənin ümumi çətinlik səviyyəsinə də baxmaq vacibdir.

Dizayn və dekor elementləri

Dartma tavanlar yalnız funksional deyil, eyni zamanda estetik elementlərdir. Bu səbəbdən sadə ağ panellər ən ucuz variant olsa da, dizaynda fərqlilik yaratmaq istəyənlər üçün geniş seçimlər mövcuddur. Məsələn, güzgülü səthlər otağa vizual dərinlik qatır. Lakin material və montaj baxımından daha bahalıdır. Eyni şəkildə, çaplı, naxışlı, 3D təsvirli və ya parlaq səthli modellər də adi panellərə nisbətən daha yüksək qiymətə təklif olunur. Belə modellər daha çox salon, restoran və tədbir məkanlarında istifadə olunsa da, ev interyerində də modern görünüş yaratmaq üçün uyğun seçim ola bilər. Dekorativ perimetr işıqlandırmaları , yığma profillər və tavan altı dekorlar qiymətə əlavə xərc kimi daxil edilir.

Darma tavanların üstünlükləri

Darma tavan seçmək sadəcə estetik baxımdan deyil, həm də texniki və funksional cəhətdən bir çox üstünlük əldə etmək deməkdir. Hər bir detalı ilə bu tavanlar interyerin daha müasir, daha təmiz və daha funksional görünməsinə səbəb olur. İstər evdə, istərsə də ofisdə istifadə olunsun, darma tavanlar həm rahatlıq, həm səliqə, həm də vizual olaraq daha keyfiyyətli bir görüntü təqdim edir. Ən əsası isə odur ki, bu sistemlər uzunmüddətli istifadə üçün nəzərdə tutulub və bir dəfə quraşdırıldıqdan sonra uzun illər problem yaratmır.

Estetik görünüş və dizayn müxtəlifliyi

İnsan ilk olaraq gördüyü şeyə fikir verir və bu baxımdan darma tavanların estetik rolu az qala digər bütün interyer elementlərindən daha önəmlidir. Klassik beton tavanlardan fərqli olaraq, darma tavanlar otağa dərhal modern, səliqəli və zövqlü bir hava qatır. Seçimlərin çox olması da insanı cəlb edir. Hansı interyer stilinə uyğunlaşdırmaq istəyirsinizsə, uyğun bir model tapmaq çətin deyil. Bu müxtəliflik sayəsində darma tavanlar sadəcə bir dekor elementi deyil, həm də məkana şəxsiyyət verən əsas detallardan biri olur. Mətbəxdə təmiz və işıqlı bir hava yaratmaq istəyirsiniz? Yoxsa ofisdə ciddi və peşəkar görüntü? Bəlkə də qonaq otağında isti və rahat bir atmosfer? Bütün bu ehtiyaclara uyğun darma tavan modelləri mövcuddur. Bu estetik imkanlarla yanaşı, rəng, forma və struktur baxımından da fərqli dizaynlar tətbiq oluna bilər. Bir sözlə, darma tavan məkana sadəcə tavan kimi baxmır. Fekorasiyanın önəmli bir hissəsinə çevrilir.

Asan montaj və texniki qulluq

Darma tavan sistemlərinin ən sevilən cəhətlərindən biri onların quraşdırılmasının və texniki baxımının sadəliyidir. Klassik tavanların təmiri, boya işləri, çatların aradan qaldırılması, naqillərin çəkilməsi adətən böyük əziyyət, vaxt və xərclə başa gəlir. Ancaq darma tavanlarda bu kimi problemlər ya olmur, ya da asanlıqla həll olunur. Quraşdırma prosesi sürətlidir və təmizlik tələb etməyən bir üsulla həyata keçirilir. Daha öncə hazırlanmış metal çərçivəyə panellər yerləşdirilir və nəticədə həm estetik, həm də funksional bir səth əldə edilir. Ən vacib məqamlardan biri isə texniki avadanlıqlara çıxışın rahatlığıdır. Tavanın arxasında gizlədilmiş kondisioner boruları, elektrik naqilləri, havalandırma kanalları istənilən vaxt müdaxilə üçün asanlıqla açılıb-bağlana bilir. Beləliklə, darma tavanla siz bir tərəfdən otağın görünüşünü təkmilləşdirirsinizsə, digər tərəfdən texniki xidmət işlərini də yüngülləşdirirsiniz. Qısacası, bu tavanlar həm estetik baxımdan sizi yormur, həm də texniki baxımdan sizi qoruyur.

Uzunömürlü material və nəmə davamlılıq

Hər bir tikinti və təmir elementi seçilərkən uzunömürlülük mühüm rol oynayır. Darma tavan bu baxımdan kifayət qədər etibarlı və dayanıqlı seçimdir. Xüsusilə alüminium və plastik əsaslı panellər zamanla nə görünüşünü, nə də funksionallığını itirmir. Onlar nə nəmə, nə toza, nə də temperatur dəyişikliklərinə qarşı həssasdır. Məsələn, mətbəx və hamam kimi nəmli sahələrdə darma tavan istifadə edildikdə, zamanla saralma, şişmə və ya çökəklik kimi problemlər yaşanmır. Bu da o deməkdir ki, bir dəfə düzgün seçim etdikdən sonra uzun illər tavanınızda heç bir dəyişiklik etməyə ehtiyac olmayacaq. Üstəlik, bu materiallar asanlıqla təmizlənir. Sadəcə nəm parça ilə silmək kifayətdir. Təbii ki, istifadə olunan materialın keyfiyyəti burda əsas rol oynayır. Darma tavan həm estetik cəhətdən, həm də praktik baxımdan uzunmüddətli və rahat bir həll təqdim edir.